Sot, Presidenti Bajram Begaj ka caktuar datën e zgjedhjeve vendore. Sipas Begajt, zgjedhjet vendore do të mbahen më 14 Maj të vitit 2023. Pas këtij vendimi, ka reaguar kreu i KQZ, Ilirjan Celibashi.
Përmes një statusi në Twitter, Celibashi thotë se KQZ do të përgatitet për administrimin e tyre sipas standarteve të njohura dhe të pranuara ndërkombëtare.
Kreu i KQZ-së u shpreh se profesionalizmi, paanshmëria, transparenca dhe bashkëpunimi me partitë politike, median dhe shoqërinë civile rikonfirmohen si karakteristika themelore të veprimtarisë së KQZ-së.