14-vjeçari bëri sherr me të birin, babai e merr peng në Tiranë

14-vjeçari bëri sherr me të birin, babai…

Një djalë i mitur i moshës 14-vjeçare është marrë peng nga dy persona në Tiranë.

Sipas Policisë, dy persona e kanë ndalur në rrugë të miturin dhe e kanë futur në makinë me forcë duke i hequr lirinë për disa orë. Çlirim Sina 50-vjeç nga Tirana dhe Aleksandër Sina 36-vjeç nga Përrenjasi janë arrestuar si autorë të dyshuar të ngjarjes.

Organizatori mendohet të jetë 50-vjeçari, dhe arsyeja e ngjarjes është se i mituri ka pasur një konflikt me djalin e tij.

Tiranë/ Morën me forcë një 14-vjeçar dhe i hoqën lirinë duke e mbajtur në automjet, falë reagimit të menjëhershëm të shërbimeve të Komisariatit të Policisë Nr. 1, identifikohen, kapen dhe vihen në pranga 2 autorët e dyshuar.   

Shërbimet e Komisariatit të Policisë Nr. 1, pas njoftimit se 2 shtetas kishin marrë me forcë, në automjet, një shtetas të mitur, kanë organizuar menjëherë punën për kapjen dhe vënien e autorëve të dyshuar përpara përgjegjësisë ligjore. Si rezultat i veprimeve të shpejta dhe profesionale të specialistëve për Hetimin e Krimeve të Komisariatit të Policisë Nr. 1, janë identifikuar, kapur dhe vënë në pranga autorët e dyshuar, shtetasit:

Ç. S., 50 vjeç, banues në Tiranë dhe A. S., 36 vjeç, banues në Përrenjas.

Nga veprimet hetimore dyshohet se këta 2 shtetas kanë marrë me forcë, në automjetin e tyre, një shtetas të mitur 14 vjeç, dhe i kanë hequr lirinë atij, duke e mbajtur në automjet, për shkak të një konflikti që 14-vjeçari ka patur me djalin e shtetasit Ç. S.     

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme”, njofton Policia.

Më Të Klikuarat

Lajmet e fundit