Aksidentet janë shtuar ndjeshëm, teksa shumë kanë shënuar edhe viktima. Report Tv ka siguruar pamje të rënda nga 3 aksidente të regjistruara kohët e fundit në akset rrugore të vendit tonë. Siç shihet edhe nga videot, mosrespektimi i sinjalistikës rrugore, vijon ende të përgjakë rrugët e Shqipërisë. Pamjet tregojnë aksidentet e ndodhura në kryqëzimin e kombinatit pranë fabrikës së miellit, rrugën dytësore Tiranë-Durrës dhe një aksi tjetër. Në dy aksidentet fatale kamionë të tonazhit të rëndë kanë shtypur një drejtues biçiklete dhe një këmbësore, duke u marrë jetën, ndërsa në aksidentin, në Kamëz, një veturë merr përpara një zonjë teksa kalon rrugën.