Katër në 10 shqiptarë nuk kanë para as të bëjnë shpenzime ditore personale. Sipas të dhënave të “Agjencisë Europiane të Statistikave”, për vitin 2020, Shqipëria regjistron normën e dytë më të lartë të personave të cilët nuk kanë mundësi të shpenzojnë një sasi të vogël parash çdo javë për veten e tyre.
Nga anketa e bërë rezulton se 38.9% e shqiptarëve e kanë të pamundur të shpenzojnë një sasi të caktuar parash çdo javë për të kryer një aktivitet argëtues. Kjo normë e ka pozicionuar Shqipërinë në vend të dytë duke kryesuar rajonin. Dhe pasohet nga Greqia dhe Bullgaria me 37.1% dhe 26.1%.
Referuar shifrave të EUROSTAT, ndonëse Shqipëria është e pozicionuar në vendin e dytë, vihet re që ka një diferencë shumë të vogël me vetëm 1.2%, krahasuar me normën e vendit të parë, pra Rumaninë. Nga ana tjetër, mesatarja e Bashkimit Europian për këtë tregues për vitin 2020 është 11.9%.
Ndërkohë, Shqipëria renditet e treta në Europë me 26.2%, për kategorinë “të papunë”. Madje, edhe për më të pasurit, Shqipëria ka normën më të lartë në Europë.