Ka dy muaj që banorët e fshatrave të Shënkollit në Lezhë, po vuajnë çdo ditë duke qëndruar zgjuar natën pasi në këtë periudhë kanë rënë shpesh herë pre e grabitjes nga hajdutët.
Mes frikës dhe mungesës së besimit tek forca e policisë, banorët e Shënkollit në Lezhë, kanë nisur të armatosen, ndërsa rrëfejnë se për dy muaj, hajdutët kanë bërë kërdinë duke plaçkitur 50 banesa.
Sipas banorëve, grabitja e fundit, ku ;maskat; kanë vjedhur ka qenë para disa ditësh në shtëpinë e dy grave. Në një prononcim për Report tv, qytetari Nikoll Pashuku, tregon se grabitjet e kanë shtyrë të rrijë me armë në krah.
Pashuku:
Kemi mbetur tashmë të presim radhën se kur do të vijnë të na vjedhin. Me leje e kam armën, dhe duhet ta mbajmë te koka e krevatit. Policia ka marrë fund. Se ka polici pushteti dhe jo shteti. Është bërë denoncimi dhe policia ka ardhur. Kanë bërë ekspertizën dhe nuk u morën më me këtë punë.
Ndërkohë banorët shprehen se kanë denoncuar të gjitha rastet e grabitjes, por policia nuk ka mundur të gjeje hajdutet, ndonëse kjo ngjarje po përsëritet çdo ditë, për rreth dy muaj.
Banori i zonës:
E din policia sepse 20% e policive janë të nderuar kurse 80% e tyre janë mjerë Shqipëria. Kam dalë në Greqi nuk shikon polica kurse këtu shikon policë në bllok në dorë.
