Gjashtë anëtarë të stafit të Donald Trump, që po punojnë për mitingun e Presidentit amerikan në Tulsa të Oklahomës, kanë rezultuar pozitivë me koronavirus.
Disa orë përpara se Trump të mbërrinte në Oklahoma, drejtori i komunikimit i fushatës së Presidentit, Tim Murtaugh, bëri me dije se “për arsye sigurie, stafi i fushatës testohet për Covid-19 përpara eventeve. 6 anëtarë rezultuan pozitivë nga qindra testime dhe menjëherë kanë nisur procedurat e karantinimit”.
“Asnjë anëtar stafi me Covid ose kontakt i afërt i tyre nuk do të jetë në mitingun e sotëm”, shtoi Murtaugh.
