Një ngjarje e rëndë është raportuar në Zyrih të Zvicrës, ku një grua 71-vjeçare me origjinë nga Kosova është gjetur e pajetë në banesën e saj. Sipas mediave zviceriane, trupi i të moshuarës është zbuluar pas mesnate, ndërsa autoritetet kanë ndërhyrë menjëherë në vendngjarje.
Policia njofton se tre persona që ndodheshin në banesë në momentin e ndërhyrjes janë arrestuar. Bëhet fjalë për një grua 48-vjeçare dhe dy burra, përkatësisht 51 dhe 27 vjeç.
Rrethanat e ngjarjes mbeten ende të paqarta. Autoritetet zviceriane kanë nisur hetime të plota për të zbardhur shkaqet dhe dinamikën e rastit, ndërsa nuk ka ende informacion zyrtar mbi motivet apo lidhjen e të arrestuarve me viktimën.
