Janë zbardhur rrethanat e aksidentit fatal të ndodhur pranë fshatit Pojskë, në aksin rrugor Pogradec–Qafë Thanë, ku humbi jetën 32-vjeçari Amarildo Islamaj, me origjinë nga Vlora. Sipas hetimeve paraprake, i riu dyshohet se kishte vjedhur automjetin me të cilin më pas u përfshi në aksident.
Burime policore bëjnë me dije se mjeti ishte marrë në fshatin Lëneshnicë, pasi çelësat ishin lënë brenda tij. Pas vjedhjes, 32-vjeçari është larguar me shpejtësi në drejtim të aksit Pogradec–Qafë Thanë, por pak minuta më vonë ka humbur kontrollin duke u përfshirë në aksident.
Përplasja ka rezultuar fatale për të riun, i cili ka pësuar dëmtime të rënda dhe nuk ka mundur të mbijetojë pavarësisht ndërhyrjes mjekësore. Policia ka marrë në pyetje edhe pronarin e automjetit, i cili kishte denoncuar më herët vjedhjen, ndërsa hetimet vijojnë për dokumentimin e plotë të ngjarjes.
<iframe src=”https://www.facebook.com/plugins/video.php?height=476&href=https%3A%2F%2Fwww.facebook.com%2Freel%2F1012346264539995%2F&show_text=false&width=267&t=0″ width=”267″ height=”476″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share” allowFullScreen=”true”></iframe>
