Avokati Altin Goxhaj është shoqëruar nga policia gjatë zhvillimit të protestës dhe është dërguar në Komisariatin Nr. 3 në Tiranë.
Pas shoqërimit, Goxhaj ka reaguar përmes një lidhjeje direkte në rrjetet sociale, ku e ka trajtuar situatën me ironi. Sipas tij, arsyeja e ndalimit ka qenë se “ka qëlluar me pjeshkë makinën e deputetëve”, një deklaratë e thënë në formë batute gjatë transmetimit të tij.
Në fund të videos, ai ka treguar se gjatë incidentit i mungonte një dhëmb dhe, me tone humori, i është drejtuar dentistit të tij duke thënë: “i bëj thirrje dentistit, vonohem pak”.
