Një fermer nga Krutja e Poshtme ka raportuar një rast të përsëritur vjedhjeje në serën e tij me rrush, duke shprehur shqetësim për mungesën e sigurisë në zonë.
Sipas denoncimit, persona të paidentifikuar kanë hyrë në ambientet e serrës dhe kanë marrë disa arka me rrush në orët e pasdites, rreth orës 15:00, duke vepruar pa u shqetësuar nga prania e mundshme e pronarit apo banorëve të zonës. Fermeri thotë se ky nuk është rasti i parë dhe se ngjarje të ngjashme janë përsëritur disa herë.
Ai kërkon ndihmën e komunitetit për identifikimin e autorëve, ndërsa shpreh shqetësimin për dëmet ekonomike dhe pasigurinë që këto raste po krijojnë në aktivitetin e tij bujqësor.
