Një konflikt i ndodhur pranë shkollës “Demokracia” në Korçë ka përfunduar me plagosjen e rëndë të një 42-vjeçari.
Sipas të dhënave paraprake, dy persona janë përfshirë në një sherr, i cili ka degraduar në përdorimin e një mjeti prerës. Gjatë përplasjes, Rigels Janaqi, 42 vjeç, ka mbetur i plagosur me thikë në qafë dhe është transportuar me urgjencë në spital, ku po merr trajtim mjekësor.
Nga informacionet e para, autori i dyshuar i ngjarjes është identifikuar si Gëzim Ramka, 54 vjeç është arrestuar.
Forcat e Policisë kanë mbërritur menjëherë në vendngjarje dhe kanë nisur hetimet për të zbardhur rrethanat e konfliktit, si dhe për të sqaruar motivet që çuan në plagosjen e rëndë.
