Kupa e Botës 2026 ka hyrë në fazën më vendimtare, me katër kombëtaret që kanë siguruar një vend në gjysmëfinale.
Franca do të përballet me Spanjën në një duel mes dy gjigantëve të futbollit evropian, ndërsa në sfidën tjetër Argjentina kampione në fuqi do të masë forcat me Anglinë.
Në prag të këtyre ndeshjeve, superkompjuteri i Opta-s ka përditësuar parashikimet për fituesin e turneut, duke vendosur kandidaten kryesore për të ngritur trofeun.
Sipas simulimeve të Opta-s, “Gjelat” kanë 34.05% shanse për t’u shpallur kampionë të botës për herë të tretë. Pas tyre renditet Spanja me 23.45%, ndërsa Anglia vlerësohet me 21.94% mundësi për të fituar titullin.
Më pak e favorizuara nga katër skuadrat e mbetura është Argjentina. Edhe pse mbron titullin e fituar në edicionin e kaluar, “Albiceleste” ka vetëm 20.55% probabilitet për ta fituar sërish Kupën e Botës, sipas modelit të Opta-s.
Megjithatë, diferencat mes ekipeve mbeten të vogla dhe me vetëm dy ndeshje deri te trofeu, çdo rezultat mund të përmbyset. Në një Botëror, forma e momentit dhe episodet vendimtare në fushë shpesh vlejnë më shumë se çdo parashikim statistikor.
