Një telefon celular është sekuestruar sërish në qelinë ku mbahet i burgosur Laert Haxhiu në burgun e Drenovës.
Sipas raportimeve mediatike, kontrolli është zhvilluar rreth orës 06:00 të mëngjesit, në kuadër të një operacioni të befasishëm brenda institucionit të vuajtjes së dënimit.
Gjatë verifikimeve, në qelinë ku qëndron Haxhiu, i cili është nën akuzë nga SPAK, është gjetur një telefon celular që dyshohet se përdorej prej tij.
Pajisja është sekuestruar dhe i është dorëzuar menjëherë Prokurorisë së Posaçme (SPAK), e cila pritet t’i nënshtrojë telefonin ekspertizës për të verifikuar përmbajtjen e tij dhe komunikimet e mundshme.
