Ish-drejtoresha e Agjencisë Kombëtare të Shoqërisë së Informacionit (AKSHI), Mirlinda Karçanaj, është paraqitur këtë të martë në ambientet e Prokurorisë së Posaçme (SPAK), në zbatim të masës së sigurisë “detyrim paraqitje”. Më herët, ajo ndodhej në masën “arrest në shtëpi”, e cila u zëvendësua nga Gjykata e Lartë me një masë më të lehtë.
Karçanaj është një nga tetë të pandehurit në dosjen që lidhet me tenderat e AKSHI-t. Sipas akuzës, ata dyshohet se kanë vepruar si pjesë e një grupi të strukturuar kriminal, duke manipuluar procedurat e prokurimit publik, favorizuar kompani të caktuara dhe ushtruar presion ndaj operatorëve ekonomikë konkurrues.
Ndaj të pandehurve rëndojnë disa akuza, mes të cilave konkurrenca e paligjshme nëpërmjet dhunës, heqja e paligjshme e lirisë, shkelja e barazisë në tendera, pjesëmarrja në grup të strukturuar kriminal dhe pastrimi i parave. Hetimet për çështjen vijojnë nën drejtimin e SPAK.
<iframe src=”https://www.facebook.com/plugins/video.php?height=476&href=https%3A%2F%2Fwww.facebook.com%2Freel%2F1701779627762277%2F&show_text=false&width=267&t=0″ width=”267″ height=”476″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share” allowFullScreen=”true”></iframe>
