Një pamje e pazakontë është regjistruar ditën e sotme në hyrje të Pukës, në zonën e urës së Karatit që ndodhet në dalje të qytetit të Pukës, ku janë shfaqur dy arinj pranë rrugës. Kafshët e egra janë pikasur nga një kalimtar që po kalonte ma makinë në këtë zonë dhe ka arritur të filmojw momentin.
Shfaqja e dy arinjve në këtë zonë është një fenomen i rrallë, duke tërhequr menjëherë vëmendjen e qytetarëve. Në pamjet e regjistruara, dy kafshët shihen duke lëvizur pranë rrugës, ndërsa vijojnë rrugën e tyre në habitatin natyror.
Prania e kafshëve të egra pranë zonave të banuara rikthen edhe një herë nevojën për kujdes nga drejtuesit e mjeteve dhe qytetarët. Autoritetet dhe ekspertët këshillojnë që qytetarët të mos afrohen apo tentojnë t’i ushqejnë kafshët, pasi një veprim i tillë mund të përbëjë rrezik si për njerëzit, ashtu edhe për vetë kafshët.
<iframe src=”https://www.facebook.com/plugins/video.php?height=476&href=https%3A%2F%2Fwww.facebook.com%2Freel%2F2122191832055317%2F&show_text=false&width=267&t=0″ width=”267″ height=”476″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share” allowFullScreen=”true”></iframe>
