Trafiku në zonën e Portit të Durrësit është kthyer në një problem të përditshëm për qytetarët dhe drejtuesit e automjeteve. Radhët e gjata të makinave krijohen sidomos në orët e mëngjesit, duke e bërë të vështirë lëvizjen dhe duke shkaktuar vonesa për qytetarët që udhëtojnë drejt punës apo destinacioneve të tjera.
Situata raportohet se është përkeqësuar ndjeshëm ditët e fundit, me qarkullimin që shpesh ecën me ritëm shumë të ngadaltë. Fluksi i lartë i automjeteve, veçanërisht në oraret e pikut, po krijon një situatë të rënduar në aksin pranë portit, ndërsa drejtuesit shprehen të revoltuar për kohën e gjatë që humbasin në trafik.
“Është bërë tmerr të nisesh për punë”, shprehen qytetarët, duke kërkuar ndërhyrje për menaxhimin e trafikut dhe lehtësimin e qarkullimit. Problematika e përditshme në këtë zonë po kthehet në një shqetësim serioz për banorët dhe punonjësit që duhet të kalojnë çdo ditë nëpër Portin e Durrësit.
<iframe src=”https://www.facebook.com/plugins/video.php?height=476&href=https%3A%2F%2Fwww.facebook.com%2Freel%2F1696378781449348%2F&show_text=false&width=267&t=0″ width=”267″ height=”476″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share” allowFullScreen=”true”></iframe>
