Një grua në Adana të Turqisë u përplas nga një motor teksa po përpiqej të kalonte me vrap në anën tjetër të rrugës. Pas përplasjes, ajo ra në tokë, por u ngrit menjëherë, mori çantën që i kishte rënë në rrugë dhe u largua me vrap nga vendi i ngjarjes.
Aksidenti ndodhi në orët e mëngjesit në bulevardin Hacı Sabancı, në lagjen Sinanpaşa të distriktit Yüreğir.
Gruaja, identiteti i së cilës nuk është bërë i ditur, po kalonte me vrap rrugën kur u përplas nga një motor dhe përfundoi në tokë. Pas pak çastesh, ajo u ngrit, mori çantën që kishte rënë bashkë me të dhe, pa u ndalur, vazhdoi të vraponte duke u larguar nga vendi i aksidentit.
Drejtuesi i motorit, i habitur nga reagimi i saj, e ndoqi me sy dhe reagoi ndaj gruas teksa ajo largohej.
Momentet e përplasjes dhe largimit të pazakontë të gruas u regjistruan nga kamera e një automjeti tjetër që po qarkullonte në atë moment.
