Një qytetar ka ngritur shqetësimin për situatën e krijuar nga mbeturinat përgjatë bypass-it të Vlorës, në një prej zonave të njohura edhe për aktivitetin e hedhjeve me parashutë. Teksa ishte ndalur për të bërë një foto dhe për të shijuar pamjen, ai thotë se ajo që i tërhoqi vëmendjen ishte prania e mbetjeve të hedhura në mënyrë të pakontrolluar.
Sipas tij, mbeturinat shihen në disa pika të zonës, duke dëmtuar jo vetëm pamjen panoramike, por edhe imazhin e një prej destinacioneve turistike të Vlorës. “Mirmbrëma, u ndala për të bërë një foto në bypass-in e Vlorës, aty ku hidhen me parashuta, dhe çfarë të shikoje gjithandej? Mbeturina”, shprehet qytetari, duke apeluar për më shumë kujdes nga qytetarët dhe ndërhyrje për pastrimin e zonës.
Problematika e mbetjeve në hapësirat publike mbetet një shqetësim i vazhdueshëm, veçanërisht në zonat turistike dhe pikat panoramike që frekuentohen nga vizitorë vendas e të huaj. Pastrimi i zonës dhe vendosja e koshave të mbetjeve, së bashku me ndërgjegjësimin e qytetarëve, do të ndihmonin në ruajtjen e pastërtisë dhe të imazhit turistik të bypass-it të Vlorës.
<iframe src=”https://www.facebook.com/plugins/video.php?height=476&href=https%3A%2F%2Fwww.facebook.com%2Freel%2F1026581363580901%2F&show_text=false&width=267&t=0″ width=”267″ height=”476″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share” allowFullScreen=”true”></iframe>
