Një ngjarje e rëndë dhe e paprecedentë dhune në familje është regjistruar mesditën e sotme në zonën e Kasharit.
Pamjet e një skene tronditëse kanë mbërritur në redaksinë e JOQ Albania, ku një burrë rreth të 40-ave shihet duke ushtruar dhunë fizike brutale ndaj nënës së tij dhe bashkëshortes, në prani të një fëmije të mitur.
Në pamjet e siguruara shihet qartë se si autori, pasi zbret nga një automjet me targa të huaja, afrohet dhe godet fillimisht nënën e tij në kokë. Më pas, ai vërtitet drejt vajzës së mitur dhe bashkëshortes, të cilës i shkul flokët dhe e godet vazhdimisht. Pavarësisht se nëna përpiqet t’i ndajë dhe fëmija qan e bërtet i tmerruar në mes të rrugës, burri nuk ndalet së dhunuari gruan.
Ngjarja ka ndodhur në mes të ditës në një aks me fluks të lartë lëvizje dhe për momentin, shkaqet e këtij akti skandaloz mbeten ende të paqarta.
JOQ Albania i bën thirrje urgjente Policisë së Shtetit dhe autoriteteve përkatëse që të reagojnë menjëherë, të identifikojnë dhe të arrestojnë autorin e kësaj dhune çnjerëzore, i cili rrezikon sigurinë e familjarëve të tij dhe të shoqërisë!
<blockquote class=”twitter-tweet”><p lang=”et” dir=”ltr”>Kashar/Vajza e vogël qan dhe bërtet, burri rreh nënën dhe i shkul flokët gruas së tij <a href=”https://t.co/vwc6RE5baT”>pic.twitter.com/vwc6RE5baT</a></p>— JOQ Albania (@JoqAlbania) <a href=”https://x.com/JoqAlbania/status/2097704946317574290?ref_src=twsrc%5Etfw”>September 9, 2026</a></blockquote><script async src=”https://platform.x.com/widgets.js” charset=”utf-8″></script><script src=”https://platform.x.com/widgets.js” async charset=”utf-8″></script>
