Një kufomë e dekompozuar është gjetur mesditën e sotme pranë grykëderdhjes së lumit Seman në Fier, duke vënë në lëvizje shërbimet e Policisë dhe grupin hetimor. Sipas njoftimit të Policisë, rreth orës 12:00, Salla Operative e DVP Fier është informuar për praninë e një trupi të pajetë në këtë zonë.
Menjëherë pas marrjes së njoftimit, shërbimet e Policisë dhe grupi hetimor kanë mbërritur në vendngjarje dhe kanë nisur veprimet për dokumentimin e rastit. Për shkak të gjendjes së dekompozuar të trupit, ende nuk është bërë i mundur identifikimi i viktimës.
Hetimet vijojnë për të përcaktuar identitetin e personit dhe për të zbardhur rrethanat e plota të ngjarjes. Grupi hetimor po punon për mbledhjen e provave dhe dokumentimin e çdo të dhëne që mund të ndihmojë në përcaktimin e shkaqeve dhe rrethanave të vdekjes.
