Një qytetare i është drejtuar redaksisë së JOQ Albania për të denoncuar mungesën e ujit në Pediatrinë e Vlorës. Në mesazhin e saj, ajo shprehet se ka shkuar në këtë strukturë shëndetësore së bashku me djalin e saj, por është përballur me mungesën e një prej shërbimeve më bazike.
“Kam sjellë djalin te Pediatria e Vlorës. Nuk ka ujë”, shkruan qytetarja, duke ngritur shqetësimin për kushtet në të cilat u ofrohet shërbimi fëmijëve dhe familjarëve të tyre.
Mungesa e ujit në një institucion shëndetësor është veçanërisht shqetësuese për shkak të nevojës për higjienë dhe respektimin e kushteve bazë sanitare. JOQ Albania sjell denoncimin e qytetares dhe pret një reagim nga drejtuesit e Pediatrisë së Vlorës apo autoritetet përgjegjëse për të sqaruar nëse bëhet fjalë për një problem të përkohshëm apo për një situatë që vijon prej kohësh.
