Një spektakël i rrallë është shfaqur në ujërat e Radhimës, ku disa delfinë janë parë duke notuar pranë bregut dhe duke dhuruar momente të veçanta për pushuesit.
Këta gjitarë të mrekullueshëm detarë kanë tërhequr vëmendjen e qytetarëve, të cilët kanë ndjekur me emocion lëvizjet e tyre në sipërfaqen e detit.
Delfinët shfaqen herë pas here në brigjet shqiptare, duke i dhënë një tjetër bukuri peizazhit të Jonit. Prania e tyre në det është gjithmonë një pamje që tërheq vëmendjen dhe kthehet shpejt në një nga momentet më të bukura të ditës për pushuesit.
Radhima, e njohur për ujërat e saj të kristalta dhe peizazhin bregdetar, këtë herë ka ofruar një spektakël krejtësisht natyror, pa skenar dhe pa pagesë.
Një grup delfinësh, deti i kaltër dhe bregdeti i Radhimës, një pamje që të kujton bukurinë e jashtëzakonshme që ofron natyra shqiptare.
