Hysni Gucati ka bërë thirrje nga protesta në Prishtinë për përjashtimin e ministres së Drejtësisë, Donika Gërvalla, nga Qeveria e Kosovës, duke e akuzuar atë se ka dërguar dosje në Dhomat e Specializuara kundër UÇK-së. Gucati deklaroi gjithashtu se “nuk ka bir nëne që e dënon UÇK-në”, ndërsa protesta u zhvillua pas shpalljes së aktgjykimit ndaj ish-krerëve të UÇK-së në Hagë.
Në sheshin “Skënderbeu” në Prishtinë u mblodhën mijëra qytetarë, të cilët shprehën kundërshtimin ndaj vendimit të Dhomave të Specializuara të Kosovës. Protestuesit artikuluan katër kërkesa drejtuar institucioneve të Kosovës: ndryshimin ose shfuqizimin e ligjit për Dhomat e Specializuara, shkarkimin e ministres së Drejtësisë Donika Gërvalla, mbështetje dhe fonde të mjaftueshme për mbrojtjen e ish-krerëve të UÇK-së dhe angazhimin e ekspertëve ndërkombëtarë në ekipet mbrojtëse.
Më 16 shtator, Dhomat e Specializuara shpallën fajtorë Hashim Thaçin, Kadri Veselin, Rexhep Selimin dhe Jakup Krasniqin për disa krime lufte, duke i dënuar përkatësisht me 25, 18, 13 dhe 25 vite burgim. Sipas gjykatës, ata u shpallën fajtorë për ndalim të paligjshëm ose arbitrar, trajtim mizor, torturë dhe vrasje, ndërsa u shpallën të pafajshëm për akuzat për krime kundër njerëzimit.
<iframe src=”https://www.facebook.com/plugins/video.php?height=476&href=https%3A%2F%2Fwww.facebook.com%2Freel%2F931001570078989%2F&show_text=false&width=267&t=0″ width=”267″ height=”476″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share” allowFullScreen=”true”></iframe>
