Një 25-vjeçar është transportuar me helikopter drejt Spitalit të Traumës në Tiranë, pasi u rrëzua aksidentalisht në një lokal në qytetin e Shkodrës. Ngjarja ka ndodhur rreth orës 12:00, kur i riu, me inicialet M. Ll., dyshohet se ka rrëshqitur dhe është dëmtuar në kokë.
Pas incidentit, 25-vjeçari ka marrë ndihmën e parë mjekësore në Spitalin Rajonal të Shkodrës, por për shkak të dëmtimeve është vendosur transportimi i tij me helikopter drejt Spitalit të Traumës në Tiranë. Aktualisht ai ndodhet nën kujdesin e mjekëve.
Ndërkohë, grupi hetimor ka nisur punën për të zbardhur rrethanat e plota të ngjarjes dhe për të përcaktuar mënyrën se si ka ndodhur rrëzimi në ambientet e lokalit.
