Detaje të reja janë zbardhur nga konflikti i regjistruar paraditen e kësaj të hëne, 21 shtator, në fshatin Proptisht të Mokrës, në Pogradec. Mësohet se përplasja ka ndodhur mes dy kushërinjve me mbiemër Çela, ndërsa si pasojë njëri prej tyre ka mbetur i plagosur në shpatull.
I plagosuri është transportuar në spitalin e Pogradecit, ku po merr ndihmën e nevojshme mjekësore. Sipas informacioneve paraprake, ai ndodhet jashtë rrezikut për jetën.
Ndërkohë, autori i dyshuar është shoqëruar nga forcat e Policisë dhe po dërgohet në Komisariatin e Pogradecit, ku do të kryhen veprimet e mëtejshme procedurale për zbardhjen e plotë të rrethanave dhe shkaqeve të konfliktit.
