Një aksident i rëndë ka ndodhur në aksin rrugor Bulqizë-Luçan, në territorin e Njësisë Administrative Martanesh.
Sipas të dhënave paraprake, një automjet fuoristradë ka dalë nga rruga dhe ka përfunduar në humnerë. Nga informacionet e para dyshohet se një person ka humbur jetën si pasojë e aksidentit.
Në vendngjarje kanë mbërritur shërbimet e emergjencës dhe policia, të cilat po punojnë për nxjerrjen e personit nga automjeti, ndërsa vijojnë veprimet për zbardhjen e shkaqeve dhe rrethanave të aksidentit.
Aksi Bulqizë-Luçan përdoret edhe nga minatorët për të lëvizur drejt galerive të minierave në këtë zonë.
Pritet që autoritetet të japin më shumë detaje në lidhje me ngjarjen dhe identitetin e viktimës.
