Cristiano Ronaldo nuk ishte në fushë, nuk ishte as në pankinë, madje nuk ishte fare me Kombëtaren e Portugalisë. Por në mbrëmjen e ndeshjes ndaj Danimarkës, emri i tij ishte sërish aty.
Në stadiumin “Parken” të Kopenhagës, mes tifozëve u shfaqën mesazhe mbështetjeje për CR7, ndërsa një prej pamjeve që tërhoqi vëmendjen ishte një flamur ku ishte shkruar “CR7, THE GOAT”, duke i dhënë një tjetër dimension mungesës së yllit portugez.
Ronaldo kishte lënë grumbullimin e Portugalisë një ditë më parë, pas zhvillimeve të tensionuara me trajnerin Jorge Jesus. 41-vjeçari u largua nga kampi dhe udhëtoi drejt Madridit, duke deklaruar se në një moment do të tregojë arsyet që e shtynë të largohej.
Por, pavarësisht mungesës së tij, një pjesë e tifozëve zgjodhën t’i dërgonin një mesazh të qartë: Ronaldo vazhdon të jetë Ronaldo.
Portugalia fitoi 4-2 ndaj Danimarkës, por edhe pa prekur topin, pa veshur fanellën dhe pa qenë në stadium, Cristiano Ronaldo ishte një nga emrat më të përmendur të mbrëmjes.
