Pamje shqetësuese kanë mbërritur në redaksinë e JOQ Albania, ku dy persona me veshje civile shfaqen duke ofenduar rëndë dhe duke ushtruar dhunë ndaj një të riu, të cilin po e shoqërojnë.
Në video dëgjohet njëri prej tyre teksa i drejtohet të riut me fjalor banal dhe kërcënues: “Aty rri se të q*** racën! Aty rri, p*** robsh. Varik**s! Çohu! Çohu shpejt! Shpejt te makina!”
Pamjet vijnë pas protestës së studentëve dhe të rinjve në Tiranë, e cila u shoqërua me përplasje të forta me Policinë. Sipas raportimeve mediatike, pas shpërndarjes së protestuesve kanë vijuar shoqërimet dhe arrestimet, ndërsa janë publikuar edhe pamje të tjera të ndërhyrjeve të dhunshme ndaj të rinjve.
Ajo që ngre pikëpyetje në këtë rast është mënyra se si po trajtohet qytetari gjatë shoqërimit. Edhe nëse një person dyshohet se ka kryer shkelje, kjo nuk i jep askujt të drejtën ta fyejë apo ta dhunojë. Përgjegjësia për të zbatuar ligjin nuk mund të ndahet nga detyrimi për të respektuar dinjitetin dhe integritetin fizik të çdo personi.
Identiteti i personave që shfaqen në video dhe rrethanat e plota të ngjarjes mbeten për t’u konfirmuar. Megjithatë, pamjet kërkojnë sqarim nga autoritetet: kush janë këta persona, mbi ç’bazë po bëhej shoqërimi dhe a do të hetohet mënyra se si është trajtuar i riu?
<iframe width=”337″ height=”599″ src=”https://www.youtube.com/embed/aDa8DduFeHg” title=”“Aty rri se të q*** racën”, civilët shajnë dhe dhunojnë të riun gjatë shoqërimit pas protestës” frameborder=”0″ allow=”accelerometer; autoplay; clipboard-write; encrypted-media; gyroscope; picture-in-picture; web-share” referrerpolicy=”strict-origin-when-cross-origin” allowfullscreen></iframe>
