Situata është përshkallëzuar gjatë protestës së të rinjve pranë Ministrisë së Arsimit në Tiranë, ku janë regjistruar përplasje mes protestuesve dhe policisë. Në pamjet e publikuara shihen efektivë që përdorin shkopinj gome ndaj të rinjve, ndërsa ndaj turmës është përdorur ujë me presion dhe gaz lotsjellës.
Një tjetër moment që ka tërhequr vëmendjen është shoqërimi i një prej protestuesve, ku, sipas pamjeve, një efektiv policie shihet duke i mbyllur gojën të riut. Ngjarja ka ndodhur në një moment tensioni gjatë ndërhyrjes së forcave të rendit, ndërsa rrethanat e plota të episodit mbeten për t’u sqaruar.
Protesta pranë Ministrisë së Arsimit zhvillohet në kuadër të tubimeve të organizuara ditët e fundit në Tiranë nga studentë dhe gjimnazistë. Protestuesit kanë artikuluar kërkesa të ndryshme, mes të cilave edhe thirrjet për dorëheqjen e kryeministrit Edi Rama, ndërsa përplasjet me policinë kanë shënuar përshkallëzimin e situatës.
<iframe src=”https://www.facebook.com/plugins/video.php?height=476&href=https%3A%2F%2Fwww.facebook.com%2Freel%2F1100169589528187%2F&show_text=false&width=267&t=0″ width=”267″ height=”476″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share” allowFullScreen=”true”></iframe>
