Pamje të trishta vijnë nga shëtitorja “Gjergj Fishta” në Lezhë, ku një burrë i pastrehë shihet i shtrirë në trotuar, i mbuluar me një batanije, teksa luan me një qen endacak.
Videon e ka dërguar në redaksinë e JOQ Albania një qytetare, e cila tregon se e ka parë burrin pranë një vendgrumbullimi mbeturinash. Ajo i është afruar për t’i dhënë ushqim dhe, sipas saj, ai i ka thënë se është i pastrehë.
Qytetarja shprehet se burri qëndronte aty prej të paktën dy orësh dhe se lëvizjet e tij i janë dukur të çorientuara. Ajo shpreson që institucionet të ndërhyjnë për ta ndihmuar, në mënyrë që ai të mos lihet në mëshirë të fatit, në rrugë dhe pa një strehë ku të qëndrojë.
JOQ Albania i bën thirrje Bashkisë Lezhë dhe institucioneve përgjegjëse të verifikojnë rastin, të kontaktojnë me burrin dhe të vlerësojnë nevojat e tij për strehim, ushqim dhe kujdes social. Ky njeri ka nevojë për ndihmë dhe dinjitet, jo të mbetet i harruar në trotuar.
<iframe width=”337″ height=”599″ src=”https://www.youtube.com/embed/d1XJq7m0XGo” title=”Pamje të trishta nga Lezha: I pastrehu shtrihet në trotuar dhe luan me një qen endacak” frameborder=”0″ allow=”accelerometer; autoplay; clipboard-write; encrypted-media; gyroscope; picture-in-picture; web-share” referrerpolicy=”strict-origin-when-cross-origin” allowfullscreen></iframe>
