Një aksident rrugor ku janë përfshirë pesë automjete është regjistruar në Unazën e Madhe në Tiranë. Përplasja zinxhir ka shkaktuar dëme të konsiderueshme materiale në mjetet e përfshira, ndërsa fatmirësisht nuk raportohet për persona të lënduar.
Pamjet tregojnë automjetet e dëmtuara pas përplasjes, ndërsa në vendngjarje është krijuar një situatë problematike për qarkullimin e mjeteve. Si pasojë e aksidentit, në këtë segment të Unazës së Madhe janë krijuar radhë të gjata dhe trafik.
Ndërkohë, pritet që autoritetet të sqarojnë rrethanat dhe shkaqet që çuan në përplasjen e pesë automjeteve. Deri më tani, ngjarja raportohet vetëm me dëme materiale, pa pasoja për jetën e drejtuesve apo pasagjerëve.
<iframe width=”460″ height=”818″ src=”https://www.youtube.com/embed/3avzRT6vRw8″ title=”Përplasja zinxhir ka shkaktuar dëme të konsiderueshme” frameborder=”0″ allow=”accelerometer; autoplay; clipboard-write; encrypted-media; gyroscope; picture-in-picture; web-share” referrerpolicy=”strict-origin-when-cross-origin” allowfullscreen></iframe>
