Fillimisht, ata kishin deklaruar se fjalët e fundit të 53-vjeçarit ishin se ishte sulmuar nga një ari, çka orientoi hetimet drejt kësaj piste. Megjithatë, ekspertiza mjekoligjore në Tiranë zbuloi se në gjoksin e tij kishte një plagë të shkaktuar nga një plumb pistolete.
Pas këtij konstatimi, hetimet kanë marrë një tjetër drejtim, duke u përqendruar te pista e vrasjes. Grupi hetimor po verifikon disa versione të ngjarjes, me qëllim zbardhjen e plotë të rrethanave dhe identifikimin e personave përgjegjës.
