Nuk ka kaluar shumë kohë që kur familjarët bën të ditur vdekjen e 23-vjecares nga Drenasi dhe kjo vetëm dy ditë pasi kishte marrë vaksinën kundër Covid. Pas akuzave të familjes që vajza e tyre u shua si shkak i dozës së vaksinës ka ardhur edhe reagimi i policisë.
Sipas raportit, asaj i ishte përkeqësuar gjendja në vendin e punës, dhe pasi ishte dërguar në QKUK, kishte vdekur.
“QKUK, Prishtinë, 15.09.2021-17:45. Viktima femër kosovare, të cilës sipas informatave të para i ishte keqësuar gjendja shëndetësore në vendin e punës, pasi ishte dërguar në QKUK kishte ndërruar jetë, dhe sipas mjekëve gjendja e saj shëndetësore ishte e rëndë. Sipas mjekëve të QKUK-së, rekomandimi i tyre ka qenë që trupi i pa jetë i viktimës të dërgohet në IML për obduksion, por familjarët ka refuzuar. Për shkak të dyshimeve, njësitet policore janë duke hetuar rastin. Është informuar edhe prokurori”, thuhet në raport.
