Vdekja e 21 vjeçarit Aldi Rama pasi vrau oficerin në Lezhë ishte një ngjarje e rëndë që tronditi opinionin publik. Në media u publikua dhe se familjarët e braktisën Aldi Ramën në morg. Por ditën e sotme, nëna e tij ka reaguar në rrjetet sociale.
Mamaja e tij, Valbona Kolgjini, ndërkohë ka reaguar për herë të parë në rrjetet sociale pas vdekjes së të birit, ku ka publikuar një foto të djalit të saj, ndërsa në foton e profilit ka vendosur një shenjë zie, për të nderuar kujtimin e të birit.
Ndërsa babai i tij, Rufan Rama, i cili prej vitesh jetonte në Greqi, ka mbërritur në Durrës për t’i dhënë lamtumirën të birit. Aldi Rama jetonte me gjyshërit në Lezhë, pas divorcit të prindërve.
