Drejtoresha e Institutit të Shëndetit Publik, Albana Fico teksa ka njoftuar rritjen e numrit të të prekurve me COVID-19 në 820, ka folur edhe për testet serologjike.
E pyetur nëse kanë dalë analizat për testet, Fico shprehet se çështja po ndiqet me interes dhe po validimin e metodës.
Më tej Fico ka thënë se sa i përket mënyrës që po përdor Italia, pra shërimin e pacientëve me COVID me terapinë plazmatike me antitrupa të personave të shëruar, në Shqipëri do të duhet shumë kohë që kjo të funksionojë.
Pyetje: A kanë dalë rezultatet e para për testet seriologjike? Në çfarë faze janë?
Fico: Të gjithë po ndjekim me interes çështjen e testeve seriologjike, vazhdojmë me validimin e metodës.
Pyetje: Në Itali po përdoret terapia plazmatike me antitrupa nga pacientët e shëruar dhe ka rezultuar e suksesshme. Po e konsideroni edhe ju një metodë të tillë? Nëse po a keni ju teknologjinë që duhet?
Fico: Kjo është një nga ato gjëra që ne jemi shprehur shpesh duke konstatuar faktin që komuniteti mjekësor është në dilema të jashtëzakonshme. Përdorimi i çdo lloj metode ose gjetje janë në faza eksperimentale. Do dojë kohë që gjithë këto njohuri ose eksperiencat e përfituara të vendosen në platforma të aplikueshme.