Zëvendësministrja e Shëndetësisë, Mira Rakacolli, foli për situatën me koronavirusin në vendin tonë, prej ku bëri dhe një apel për qytetarët, që të vaksinohen. Ajo u ndal në veçanti tek studentët, duke qenë se të hënën nisi viti akademik dhe u pa një skepticizëm i madh tek studentët për të bërë vaksinën.
Ajo u pyet në lidhje me orën policore dhe tha se deri më tani shifrat nuk premtojnë që ora policore të ndryshojë.
“Kjo varet në varësi të shifrave, se si do t’i kemi ato. Deri në diskutimet që kemi bërë, të javës së kaluar, shifrat nuk na sugjerojnë një gjë të tillë, por jemi në varësi të shifrave”, tha ajo.
