Pasi shfaqi adhurimin për Edi Ramën dhe pretendon të kandidojë për deputete në Tropojë, aktorja e Portokallisë Ariola Demiri është emëruar Drejtore e Pallatit të Kultures dhe Muzeut në Bajram Curri.
Demiri edhe pse nuk shkon asnjë ditë në vendin e saj të punës në Bashkinë e Bajram Currit, rrogën e merr pa ndërprerje.
Denoncimi është bërë nga dega e PD-së së Tropojës:
Ju ftojmë që këtë vëzhgim dhe kërkesë informacioni ta bëni jo vetëm një ditë,por edhe për jave dhe muaj me rradhë.
Të nderuar qytetarë, pseudo-juristi dhe drejtoresha, dhe shumë e shumë të tjerë, janë të përkëdhelurit e rilindasit të emëruar me makbethët e tij dhe paguhen me taksat tona pa u paraqitur asnjë ditë në punë.
Në fakt tashmë dihet botërisht se rilindasi i emëruar ka vetëm një praktikë pune: TË VEPROJË NË KUNDËRSHTIM ME LIGJIN. Arsyet e këtyre veprimeve janë, korrupsioni dhe shpërdorimi i detyrës. Koha e tij ka mbaruar, po jep prova çdo ditë se kush është në të vërtetë. Rilindasi i emëruar hamendëson se gënjeshtrat e tij do të funksionojnë akoma dhe se qytetarët e Tropojës i besojnë!!! Në fakt, se sa i besojnë Tropojanët, kuptohet qartë pjesmarrja 15% në pseudovotimet rilindase.
Dega e Partisë Demokratike Tropojë i bën thirrje qytetarëve të rrethit Tropojë, mediave audiovizive, organeve ligjë-zbatuese të hetojnë dhe të ndërmarrin të gjitha masat ligjore për ndëshkimin e veprimeve të paligjshme dhe korruptive në kundërshtim me procedurat ligjore të rilindasit të emëruar.
25 Prilli po afron dhe do marrin dënimin e merituar.
Burimi: Syri TV
