Një ngjarje e pazakontë ka ndodhur në aeroplanin që fluturonte nga Cincinnati drejt Tampas në SHBA.
Aeroplani u detyrua të bënte një ulje emergjente pasi një person tmerroi pasagjerët duke i kërcënuar dhe rrezikuar jetën e tyre me një mjet prerës.
Ai kishte kërcënuar se do të godiste me thikë pasagjerët dhe anëtarët e ekuipazhit në aeroplan. Nuk dihet ende se si ai ka arritur të fusë në aeroplan mjetin prerës.
Agresori u arrestua të premten mbrëma dhe avioni u ul i sigurt në Atlanta, ndërsa sipas linjës ajrore, nuk pati të lënduar në pasagjerë apo anëtarë të ekuipazhit.
