Piloti lokal dhe tre pasagjerë amerikanë kanë ndërruar jetë, pasi një aeroplan i vogël u rrëzua në perëndim të Ukrainës.
Duke cituar policinë vendase, mediat e huaja shkruajnë se aeroplani “Aerospool WT10 Advantic”, është rrëzuar në një shtëpi, në fshatin, Sheparovtsi, në rajonin Ivano-Frankivsk, më 29 korrik.
Komuniteti i Hebrenjve në Ukrainë ka njoftuar se të tre pasagjerët kanë qenë hebrenj hasidikë nga Shtetet e Bashkuara të Amerikës.
Ndërkohë bëhet e ditur se një grua dhe dy fëmijë, që kanë qenë brenda shtëpisë, kanë arritur të ikin pa u lënduar nga rrëzimi, ka thënë policia, raporton Radio Evropa e Lirë.