Janë zbuluar më shumë detaje nga ngjarja e rëndë që ndodhi të shtunën në një familje kosovare në Gjermani. Kujtojmë se burri Besmir Ademi, ka vrarë gruan e tij, Jetmira Bekën.
Ai e dhunonte shpesh Jetmirën, por këtë herë situata ka përfunduar në tragjedi. Në lidhje më ngjarjen ka folur mamaja e viktimës, e cila ka rrëfyer torturat që Besmiri i bënte vajzës së saj.
Ajo ka treguar se i shoqi dhe familja e tij e kërcënoni dhe e dhunonin Jetmirën prej 8 vitesh. Madje mes dhimbjes ajo ka thënë se dhunë të tillë as Serbët nuk kanë ushtruar ndaj tyre.
“Që 8 vite e kërcënume prej tyne, jo e mysim sot jo e mysim nesër. Nëse ti thu diçka në familjen tande, ose dahesh prej meje. Ai ka përdor dhunë fizike, dhunë psiçike. Ai ka përdor dhunë që nuk e përdor një serb, se s’po du me përdor fjalën serb se edhe ai është popull, por unë e kam babën e zhdukt prej Serbisë. Po nuk e përdor dhunën që e përdor Besmir Ademi. Ky është nipi i avokatit Sheremet Ademi. Sheremet Ademi që i mbron të drejtat e njeriut, s’u kanë në gjendje me na thirrë me thanë ka ndodhë qa ka ndodhë, na vjen keq, edhe Jetmirën, që u kanë një çike që nuk mundet me gjet në trojet shqiptare, s’ka thirrë me na kërku falje”, tha ajo.
Më tutje mamaja e saj ka treguar se Jetmira ishte ndarë dy muaj më parë nga Besmiri dhe që atëherë ai u bë më agresiv.
“Jetmira është nda që dy muaj prej tij. E ka nda shteti gjerman për shkak të dhunës që ka përdorur Besmir Ademi. Jetmira është dalë prej shtëpisë. Policia e ka kthy Jetmirën në shtëpi se i ka tre fëmijë. Mas 10 ditëve, shteti e ka marrë Jetmirën e ka çu në shtëpi të grave”, tha ajo.
Madje tregon se si viktima, për një kohë të gjatë ishte torturuar në mënyrat më çnjerëzore nga burri i saj.
“Ai s’ka mujt me përballu ata pse kjo dahet prej meje. Kjo u kanë e rrehne me kabull të televizorit. U kanë e rrehme me thikë në fytë, me çelësa të kerrit. I ka thanë që nëse dahesh prej meje, ka me ta pre çikën, Ledinën. Që çika e Ledinës i ka 7 vjet”, tha ajo.
