“Ai gjyqtar që dënon nipin tim do përballet me plumba”, shoqërohet në polici Gjovalin Shkambi

Më poshtë është momenti kur Gjovalin Shkambi, xhaxhai i autorit të dyshuar të vrasjes së gjyqtarit Astrit Kalaja, shoqërohet nga forcat e policisë për në ambientet e Komisariatit të Shkodrës, pas një deklarate kërcënuese drejtuar sistemit të drejtësisë.

<iframe width=”458″ height=”815″ src=”https://www.youtube.com/embed/tWYWiCGPqT4″ title=”Pas deklaratave të rënda, shoqërohet nga policia xhaxhai i Elvisit” frameborder=”0″ allow=”accelerometer; autoplay; clipboard-write; encrypted-media; gyroscope; picture-in-picture; web-share” referrerpolicy=”strict-origin-when-cross-origin” allowfullscreen></iframe>

Në një prononcim publik të bërë më herët, Shkambi deklaroi se “gjyqtari që do të dënojë nipin e tij do të ketë të njëjtin fat si Astrit Kalaja”, referuar ngjarjes së rëndë që tronditi vendin një ditë më parë.

Kjo deklaratë është konsideruar si kërcënim i hapur ndaj një funksionari publik, për të cilën policia ka reaguar menjëherë duke e shoqëruar Shkambin për sqarime në komisariat.

Ngjarja vjen në vijim të atentatit të rëndë ku gjyqtari i Shkodrës, Astrit Kalaja, u vra me armë zjarri në mes të qytetit, në një sulm të mirëorganizuar që ka ngritur shqetësime serioze për sigurinë e trupës gjyqësore dhe funksionarëve të shtetit.