Pak ditë më parë, JOQ Albania publikoi videon e një automjeti në lëvizje, ku një pasagjer kishte nxjerrë këmbët jashtë dritares, siç duket për t’u “ajrosur”.
Por duket se këtë aktivitet nuk e bëjnë vetëm pasagjerët.
Një tjetër video ka mbërritur në redaksinë tonë, këtë herë nga autostrada Tiranë–Durrës, ku shihet drejtuesi i mjetit duke nxjerrë këmbën jashtë dritares teksa automjeti është në lëvizje dhe në autostradë.
Një veprim tejet i rrezikshëm, që rrezikon jo vetëm jetën e drejtuesit, por edhe të gjithë përdoruesve të tjerë të rrugës.
Kur pasagjeri nxjerr këmbët jashtë, është problem. Po kur këtë e bën shoferi në autostradë, çfarë mund të thuhet më shumë?
