Një aksident me pasojë vdekjen e një këmbësoreje ka ndodhur pasditen e sotme në Shkodër, në zonën e njohur si Ura e Bahçallëkut.
Ngjarja është regjistruar rreth orës 15:40, ku një automjet që drejtohej nga një 27-vjeçare dyshohet se ka humbur kontrollin, ka dalë nga rruga dhe është përplasur me shkallët metalike të një ndërtese.
Si pasojë e aksidentit, automjeti ka përplasur një 67-vjeçare, e cila në atë moment po lëvizte në trotuar. Përplasja ka rezultuar fatale për këmbësoren, e cila ka humbur jetën.
Në vendngjarje kanë mbërritur shërbimet e policisë dhe grupi hetimor, të cilët po punojnë për të sqaruar rrethanat e plota të aksidentit dhe për të përcaktuar shkakun që çoi në këtë ngjarje tragjike.
