Një aksident i rëndë ka ndodhur mesditën e kësaj të shtune në rrugën OSBE në Kamëz. Ka qenë një automjet me drejtues L.L, që ka përplasur 7-vjeçarin D.K, i cili po lëvizte me biçikletë.
Për pasojë ka mbetur i lënduar i mituri, i cili është transportuar me urgjencë në spital dhe mësohet se ndodhet jashtë rrezikut për jetën.
Njoftimi i policisë:
Më datë 20.06.2020, rreth orës 12:30, në rrugën “OSBE”, në Kamëz, mjeti me drejtues L.L.,ka aksidentuar fëmijën e mitur me iniciale D.K.,7 vjeç, i cili ishte duke qarkulluar me biçikletë, i cili ndodhet në spital, jashtë rrezikut për jetën.
Grupi hetimor dhe sherbimet e Policisë ndodhen ne vendngjarje dhe vijon puna për zbardhjen e rrethanave të ngjarjes.
