Një aksident tragjedik ka ndodhur në Ksamil, duke shkaktuar humbjen e një jete njerëzore. Ngjarja e rëndë ndodhi gjatë orëve të ditës, por rrethanat e sakta të përplasjes mbeten ende të paqarta. Menjëherë pas njoftimit, policia dhe grupi hetimor kanë mbërritur në vendngjarje. Ata po kryejnë veprime intensive për të ndriçuar dinamikën dhe shkaqet që çuan në këtë tragjedi.
Gjatë mbrëmjes, hetimet kanë zbardhur identitetin e viktimës, i cili rezulton të jetë 20-vjeçari Antonio Mateli. I riu ishte drejtues i një furgoni dhe fatkeqësisht nuk ia duroi dot plagëve të rënda, duke ndërruar jetë gjatë rrugës për në spital. Njësitë e policisë kanë nisur menjëherë hetimet në vendin e quajtur “Pema e Thatë” për të sqaruar rrethanat. Autoritetet kompetente pritet të japin detaje të plota lidhur me këtë aksident të rëndë sapo të përfundojnë veprimet procedurale.
