Një aksident është shënuar mbrëmjen e kësaj të shtune në Gjoricë të Bulqizës.
Mësohet se një automjet veturë tip “Audi” është përplasur me një mjet tip agregat. Aksidenti ka ndodhur në vendin e quajtur ura e Drinit, pjesë e rrugës së Arbrit.
Nga informacionet paraprake dy drejtuesit e mjeteve janë plagosur dhe dërguar në spital.
Policia është nisur drejtë vendit të ngjarjes për të zbuluar shkaqet e aksidentit.
Dy muaj më parë një aksident tragjik është shënuar po në rrugën e Arbrit ku humbën jetën 3 persona dhe u plagosën 4 të tjerë.
Ndërkohë edhe pse ky aks rrugor është dhënë me konçesion për tu ndërtuar ende nuk ka përfunduar çka ka bërë që shumica e drejtuesve të mjeteve të aksidentohen për shkak të mungesës së sinjalistikës rrugore.
