Aksident me vdekje ka ndodhur sot në orët e para të mëngjesit në aksin Durrës-Tiranë, ku makina ka përplasur këmbësor. Policia ka arrestuar në kushtet e flagrancës 71-vjeçarin që ishte në drejtimin e mjetit, që përplasi për vdekje këmbësorin me inicialet K.M, 60 vjeç.
Policia vijon hetimet për zbardhjen e plotë të rrethanave të aksidentit.
Njoftimi i policisë:
Specialistët e Qarkullimit Rrugor në DVP Durrës, arrestuan në flagrancë shtetasin N. K., 71 vjeç, banues në Kavajë, pasi ditën e sotme, në orën 05:20, në autostradën Durrës-Tiranë, duke drejtuar mjetin tip “Benz”, ka aksidentuar këmbësorin shtetasin K. M., 60 vjeç, i cili si pasojë e përplasjes ka ndërruar jetë.
Materialet i kaluan Prokurorisë së Rrethit Gjyqësor Durrës, për veprime të mëtejshme.
