Është regjistruar një viktimë nga aksidenti i rëndë që ndodhi mbrëmjen e sotme në aksin Shkodër-Lezhë, ku një makinë tip “Benz” u përplas me një kamion të tonazhit të rëndë.
Trupi i pajetë kishte mbetur në makinë, pasi kjo e fundit kishte përfunduar poshtë kamionit. Raportohet se viktima udhëtonte i vetëm në automjetin e tij.
Shkaqet janë ende të paqarta. Policia ndodhet në vendngjarje dhe po punon për zbardhjen e plotë të ngjarjes.
