Viktima nga aksidenti i rëndë i ndodhur në Itali mbetën 22-vjeçarja Shane Hyseni, vëllai i saj 11 vjeç Resat Hyseni, motra e saj 8 vjeç Rejana Hyseni dhe djali i saj i vogël vetëm 2 vjeç Mattias Lame.
Makina drejtohej nga Orjol Lame, partneri i 22-vjeçares. Mësohet se nga analizat e kryera në spitalin Reggio Emilia ku ndodhet i riu në gjendje kritike, u konstatuan droga të ndryshme dhe alkool në gjak.
Fluturimi për riatdhesim, me ndihmën e ambasadës shqiptare, pritet të realizohet në ditët në vijim.