Tonin Mëhilli dhe Merushe Koni janë viktimat e aksidentit tragjik që u shënua mëngjesin e sotëm në Rrogozhinë.
Nga aksidenti i trefishtë fillimisht humbi jetën në vendin e ngjarjes shoferi Tonin Mëhilli, 54-vjeç, oficer burgjesh, ndërkohë që më vonë vdiq dhe një prej pasagjereve në mjetet e aksidentuara, Merushe Koni 60-vjeç.
Ndërsa kanë mbetur të plagosur edhe dy persona, në mesin e të plagosurve gjendet edhe një fëmijë 10-vjeç, i cili është në gjendje të rëndë për jetën.
Shkak për aksidentin dyshohet të jetë bërë një parakalim i gabuar i mjeteve, ndërsa policia ka shoqëruar në polici një prej shoferëve, dhe po punon për zbardhjen e plotë të ngjarjes. Personi që është shoqëruar në Polici është Endrit Lila.
